Helping A Friend: My Book Review of "Werdnakram Diaries" Book 2

Ito muli ang pangalawang bahagi ng talaarawan ni Werdnakram tungkol sa mga bagay sa universe. Mga bagay na hindi tayo pamilyar.

Ano ang cosmos? Ano ang posibleng nangyari kung naging mas mabilis o mas mabagal lang ang Big Bang? Totoo ba ang Big Bang? Ano pa ang mga ano pa?

Ibabahagi ko sayo ang mga nilalaman ng limang araw na diary ni Werdnakram.

Ikaanim na araw. Ang cosmos ay ang masungit na kalawakan. Ito ay tahanan ng pinakasalungat na kapaligiran na maaari mong maisip. Nakakasunog ang apoy dito na reaksyon mula sa nagbabanggaang mga bituin sa universe.

Matagal na panahon nang inaaral ng mga astronomers ang bituin at planetang nakapaligid sa ating planeta. Napag-alaman pa nga noon na minsang nagkaroon ng life forms sa Mars. May mga tumira kaya talaga doon dito?

Naisip ko, siguro sila yung mga extraterrestrial beings. Sila ay mga aliens na tulad natin nakatira sa isang life-sustaining na planeta. Totoo kaya? Ang kanilang existence ay matagal na ring inaaral.

Sa tulong ng mga digital receivers para makasagap ng radio traffic mula kalawakan, sinusubukang pakinggan ang mga aliens. Ang Search for Extraterretrial Intelligence (SETI) ang nangunguna sa mga pagsasaliksik na ito. Wala pang naging matagumpay na proyekto ang SETI dahil talagang napakahirap ng pagsagap ng signal para sa research na ito. Gaano pa kaya katagal bago maintintindihan ang mga signals at marinig ang extraterrestrials?

Marahil mas advance pa sila kaysa sa atin. Ang mahalagang kaalaman na meron tayo ngayon ay mayroong mga nilikha na tulad natin na may kakayahan ding mag-isip. Ayon nga kay Stephen Hawking, ni siya o tayo ay hindi nag-iisa sa kalawakan. Dahil nga sa mga nilalang na ito…

Ikapitong araw. Dito ipinaliwanag ang implasyon ng “bang” sa big bang na nagbunga ng uniformity ng kalawakan. Meron nga ba talagang big bang na nangyari? Maaari nga kayang nabuo ang universe mula sa rehiyon ng false vacuum na nakabuo ng bubble universe matapos ang half-life nito? Kung totoo namang maraming space, siguro marami pang bubble universe ang mabubuo.

Ikawalong araw. Gumana ang imahinasyon ni Werdnakram nang maisip niya ang posibilidad na makausap niya tungkol sa “hyperspace”ang isda sa lagoon ng PUP. Alam kaya nila ito? Tulad kasi ng tao ang isda, nandito tayo sa Earth, sila naman nasa dagat o tubig. Hindi nakikita ng mortal nating mga mata ang universe na nasa itaas natin. Ang hyperspace na ito ang palaisipan sa likod ng Theory of Everything ni Albert Einstein. Sa katunayan, nabigo itong matapos kaya ito ay “unfinished theory”.

Ikasiyam na araw. Mahalaga ang ugnayan ng kosmoloya at siyensya. Ano ang mga sinasabi ng String Theory? Ano ang quantum gravity? Ano ang principle of self-organization? Ipinapaliwanag ni Werdnakram ang mga ideyang ito ng siyensya.

Ikasampung araw. May mga astronomical mysteries tulad ng dark matter particles na nakasabit sa galaxy dahil sa gravity. Sinusukat ito ng mga underground detectors. Ngunit, natuklasan ding bumibilis ang paglawak ng universe kaya mahihirapan ang mga astronomers sa pagtuklas nito.

Matapos kong basahin ito, napaisip ako, paano nga kaya nagkaroon ng Big Bang theory at konsepto ng space-time? Maraming teorya ang mga scientists ngunit di pa tayo malapit sa sagot.

Baka ikaw ang susi sa kaunawaan kung ano talaga ang Big Bang, kung ilan ang mga bituin, at kung totoo ang mga aliens. At malay mo, ikaw na rin ang makatapos ng unfinished theory!

Like and Share!
Author's Facebook Page: www.facebook.com/iamwerdnakram/