Helping A Friend: My Book Review of Werdnakram's "Autobiography of a Sleepless Solitude Mind"

Di nga imposible na may mga iba pang nilalang sa universe. Kung katulad kita na naniniwalang may aliens nga, ipagpatuloy mo ang pagbabasa nito. Ibabahagi ko sayo ang ilan sa mga kwentong alien ni Werdnakram na kukulit sa imahinasyon mo at magpapatawa sayo.

Itinatago ng Amerika sa Area 51 ang mga impormasyon tungkol sa aliens at UFO sightings. Maraming witnesses ng UFO sightings na sa mundo at maaaring makapagpatunay na totoo nga sila.

Dating tauhan si Werdnakram dito ngunit nakatakas sya. Pinag-eksperimentuhan niya ang kanyang sarili upang mag-reincarnate sa ibang identity. At ngayon, nasa Pilipinas na siya.

Ito ang ilan sa mga naitalang rekord at impormasyong makakapagtunay na totoo ang mga aliens. Tignan mo kung kailan sila nagsimulang magparamdam sa atin. Ito ang ilan sa mga naitala:

1999. Isang UFO ang nasaksihan ng GOES-8 observational satellite sa close earth orbit. Ang larawan nito ay biglang nawala sa internet dahil nga itinatago sa mga tao ang mga impormasyon sa mga aliens.

1965. Naganap ang Great Northeast Blackout matapos ang daan-daang UFO sightings sa Northeast U.S.

Ang mga aliens nga kaya ang may kagagawan ng kadilim sa siyudad? Patuloy itong inimbestigahan lalo nang maulit ang malawakang blackout noong 2003. Sa pagkakataong ito, sa United Kingdom naman. Ngunit, sinasabi na problema lang sa kuryente ang insidente kaya wala raw itong kinalaman sa mga aliens. Ano kaya ang totoo?

Maliban sa alien reports sa librong ito. Isinali ni Werdnakram ang mga nakakaaliw na katha nya. Matatawa ka talaga dahil sobrang nakakarelate at sa mga bitaw ng linya ni Werdnakram!

Tulad ng mga nakakaaliw na realidad noong 2004 sa Pilipinas: pagtaas ng pamasahe at isnatsers. Ang Toy Let Confessionals (conversation ng digestive system mo habang ikaw ay naglalabas ng sama ng loob… sa banyo). Listahan ng advantage at disadvantage sa pagsakay ng MRT. Ang mga featured na gifted child sa mga commercial ng gatas at kung paano kaya kung street children naman ang ma-feature.  At ano ang “pangarap na sumaya” at ang “tunay na kasiyahan” ng isang tao?

Naikwento rin ni Werdnakram ang tungkol sa kanyang propesor sa Physics na may hawig daw kay Einstein. Lubos ang kanyang paghanga at pagsaludo sa kanyang propesor dahil sa talino nito na tila isang naglalakad na libro ng Pisika!

Nabanggit nya din ang mga patok na jeep. Yung mga makukulay at may soundtrip pa. Naalala ko tuloy yung papuntang stop n shop na jeep sa pagpunta ko sa Piyupi, parang tumatalbog ka na sa lakas nung tugtog ni manong!

Nabanggit nya din ang Big Bang Theory. Ang pagkahilig niya sa music. Ang iba’t ibanguri ng musika. Ang istoryang salawal. Ang mga nakakatawang tanong na maaaring maglaro din sa isipan mo tungkol sa Noli Me Tangere at El Filibusterismo ni Jose Rizal. At ang karanasan niya sa Piyupi kung saan hnindi na bago ang mga aktibista.

Marami pang werd at funny punchlines, kwento at inserted na kalokohan sa librong ito. Lumabas ang pagka-witty ni Werdnakram dito kaya naman nakakatuwa talagang basahin.

Sabay-sabay na maaliw sa pagbasa kasama ang iyong mga kaibigan!

Author's Facebook Page: www.facebook.com/iamwerdnakram/