Helping A Friend: My Book Review of "Ang Pakikipagsapalaran ni Werdnakram" (Book 2)

Bago mo ito basahin, basahin mo muna ang book review ko sa APNW Book 1. Makikita mo ito sa archive ng blogsite na ito, kaibigan! 

Kung nabasa mo naman na, maaari ka ng mag-sit, enjoy, and relax!

APNW 2 BOOK REVIEW:

Posible nga ba ang mag-travel sa nakaraan? Eh sa future? Ano kayang pwedeng gawin sa pagbabakasaling ito? Kung minsang naisip mo na ang kakaibang adventure tulad nito, ang kwento ng paglalakbay ni Werdnakram sa nakaraan at sa future ay para sa’yo.Ang imahinasyon natin ay makapangyarihan. Imahinasyon na kaya kang dalhin sa nais mong mapuntahan.

Si Werdnakram na isang aspiring scientist at traveler ay nakagawa ng kanyang Space-Time Machine taong 2009. Sa lahat ng pagkakataon, ang paano magsimula ang mahirap. Tinanong nya si “Ruach Elohim”, ang kanyang voice-activated supercomputer. Hindi pa fully maximized ang engine ng machine ni Werdnakram kaya ang paglalakbay sa nakaraan palang ang pwede niyang gawin. Iyon din naman ang gusto ni Werdnakram, ang mag-observe lamang. Wala siyang balak baguhin ang anuman sa nakaraan.

Maraming natuklasan si Werdnakram. Ang Deuterium na tinatawag ding “fuel of the future” sapagkat ito ay natural na nage-electrolyze sa ilalim ng dagat at naglalabas ng hydrogen gas na kailangan ng buong mundo dahil ito ay papalit sa langis kapag naubos ito. Ang pinakamalaking deposito nito ay matatagpuan sa Pilipinas. Hindi imposibleng kumita ng malaki dahil ang Pilipinas ang magiging tanging fuel producer sa loob ng 40 hanggang 50 taon. Maliban sa pagiging alternate fuel ng Deuterium, ito rin ay fuel na kailangan ni Werdnakram sa kanyang space-time machine para makapag-travel sa future. Kaya naman, mas naging interesado siyang maglakbay papuntang Surigao para kumuha ng samples kaya’t bumalik siya sa taong 1932.

Pinag-eksperimentuhan ang nakuhang samples sa kanyang laboratoryo. Sa wakas, nagamit na niya ang Deuterium fuel. Pero sa pagiging excited niyang subukan ito, hindi naging fully developed ang ultra-dense deuterium, huminto tuloy ang paglalakbay nila sa taong 1966. Inayos muna ni Elohim ang machine. Si Werdnakram naman ay namasyal muna sakay ng kanyang flying motorcycle na “Hoverbike”.

Sa kanyang paggagala, nakarating siya sa Cuneta Astrodome kung saan Game 5   na ng Finals ng PBA. Fan siya ng Ginebra. Naisip niyang manood muna saglit sa laro. Ngunit, 4-1 na ang iskor noon at lamang ang Alaska. Nakatabi at nakausap niya sa dome si Jose na tuwang-tuwa sa nang manalo ang Alaska dahil magkakaroon siya ng P20,000 na ipambabayad niya sa ospital kung saan nanganak ang kanyang asawa. Sakay ng Hoverbike, inihatid niya ito sa opisina para at ospital para puntahan ang kanyang pamilya.

Nakabalik si Werdnakram at na-develop na ang Deuterium. Naglakbay naman sila sa Paris sa future year na 2019. Nakilala niya doon si Claire Rachel future Wifenakram pala niya.

Ipinaliwanag ni Elohim na nagdudulot ng pagkabuo ng altered version sa isang timeline ang paglalakbay sa nakaraan o future.  Samantala, kaya nakabalik sa nakaraan si Werdnakram dahil ang space-time machine kasi niya ay naka-multiverse mode kahit sa nakaraan o future siya pumunta, hindi maaapektuhan ang nakaraan o future ng original timeline niya. Ang maaapektuhan lang ay ang timeline ng pinuntahan ni Werdnakram.

Naisip ni Werdnakram na para mas makilala si Claire, kailangan niyang makarating sa panahon kung kelan sila unang nagkakilala. Matapos i-scan ang heartbeat ni Werdnakram, nakarating sila sa kalawakan noong 13.7 billion years ago. At katatapos lang ng Big Bang, mga 3 minutes ago! Gamit ng voice-activated screencyclopedia, ipinaliwanag nito na silang dalawa ni Claire ay mga atoms na nagmula sa iisang katawan. Bawat tao ay may “better half” o counterpart na kukumpleto sa kanyang buhay. Si Claire ang female counterpart ni Werdnakram. Hindi sila nagtagpo ng panahong iyon pero someday sa future ay magkikita rin sila. Sa mga nalamang ito ni Werdnakram, mas nais niyang iimprove ang kanyang space-time machine.

Samantala, sa pagitan ng NGC 1409 at NGC 1410 galaxy, nabuo si Darknakram na mula sa impluwensiya ng dark energy at dark matter. Siya ay may angking talino ngunit bipolar, moody at may obsessive compulsive disorder. Una ay nais niyang magpadala ng mensahe gamit ang sound ngunit walang air na magiging carrier nito sa outer space. Kaya naman, ginamit niya ang natitirang liwanag sa galaxies upang gumawa ng light-coded compilation messages. Sa pamamagitan ng QUASARS, ang mga unang galaxies na nabuo 1 billion years ago, ipinadala niya ito sa Earth.

October 6, 2020. Nang maiset ni Elohim ang space-time machine sa autopilot mode, nakarating si Werdnakram sa kanilang bahay. Kaarawan pala ng kanyang tatay. Ngunit, wala doon ang kanyang tatay. Ang kanyang mga kapatid at ina na lamang ang nandun. Nagtataka siya kung bakit di niya maalala kung ano ang nangyari talaga sa kanyang ama.

Ayon sa Digital Historecords, limang taon na palang patay ang kanyang ama. April 30, 2015 nang namatay ang kanyang tatay sa sakit na Acute Coronary Syndrome sa Philippine General Hospital. Naisip niyang bumalik sa nakaraan upang makita ang totoong nangyari.

Gumawa siya noon ng memory catcher. Ang pinili niyang real-time memory ay ang pangyayari noong April 30, 2015 upang maging battery nito. Kaya naman, wala siyang maalalalang kahit ano sa araw na iyon.

Matapos niyang mapanood ang mga alaala, naisip niyang maglakbay ulit sa future. Nakatanggap ang sensor ng kanyang space-time machine ng mga light-code compilation messages na naglalaman ng mga formulas at blueprint ng mga super-advanced technologies.

Samantala, sa napakalayong galaxy, matagumpay na nakalikha si Darknakram ng “Dark Hole” sa pamamagitan ng Dark Matter at Dark Energy. Ang cosmic shortcut na ito ay nabubuo lamang  sa pag-bend sa fabric road to Earth na nagaganap lamang every leap year. Kaya naman, pinuntahan ni Darkankram si Albert Einstein upang sapilitang kunin ang formula para makabuo ng space-time machine.  Alam ni Einstein na gagamitin lamang sa kasamaan kaya hindi niya ito ibinigay.  Lingid sa kaalaman ni Darknakram, ilang minuto lamang ang nakalipas matapos naman maibigay na ni Einstein ang formula kay Werdnakram. Ito ang ginamit ni Werdnakram para magawa ang kanyang space-time machine.

Dati pa lamang ay uhaw na sa kaalaman si Werdnakram, nakausap niya ang dalawang propesor sa napakalaking library. Doon niya nalaman ang “unfinished theory”. Simula noon, naging interesado na siyang pag-aralan at alamin ang mga clues tungkol dito. Alam niya ang Unified Field Theory na crowning achievement na sana ni Einstein kung natapos niya lang ito bago siya mamatay.

Bumalik si Werdnakram sa nakaraan, sa opisina ni Einstein sa New Jersey noong April 18, 1955. Nalaman niyang ang unfinished theory pala ni Einstein ay tapos na ngunit itinago dahil alam niyang gagamitin ito ng mga tao para manira. Sa huli,pinagkatiwalaan siya at ibinigay sa kanya ang mga formulas.

Pagkabalik sa kanyang laboratoryo, nalaman niyang makakagawa siya ng Space-Time Machine mula sa mga formulas ni Einstein ngunit may “missing link” na kailangan. Ito ang mga holeiitic samples na matatagpuan sa Easter Island mula pa 2000 years ago.

Naglakbay si Werdnakram patungo dito. Nakilala niya ang ang hari na si Hotu Matu’a. Nakilala niya si Moai, ang tanging taong nakakaalam sa pagpunta sa gitna ng lugar na iyon upang makakuha ng holeiitic samples. Nakita niya si Ruach Hakkodesh na naghihintay pala sa kanya.. Maya-maya, nakabalik na siya sa laboratoryo dala ang mga holeiitic samples.

Sampung taon ang lumipas, sinugod ng mga aliens ang Easter Island. Kinuha si Moai at pilit na kinukuha ang mga formulas galing kay Werdnakram. Di nila ito nakuha kaya ginawan si Moai ng 900 na estatwa. Sa pagnanais ng mga aliens hanapin si Werdnakram, naglakbay sila sa buong mundo kaya may mga UFO sightings.

Kailangang hanapin niya pa si Al Bielek na nasa Philadelphia Naval Shipyard, July 22, 1943 bago matapos ang space-time machine. Naglakbay at nakita niya doon ang USS Eldrigdge at mga siyentista na nag-eeksperimento. Suot ang kanyang Speedlight Jacket, nakarating sa loob ng barko at nakausap na niya si Al Bielek na kaibigan pala ni Einstein. Sinabi niyang ginagawa nila ang eksperimento para mapatunayan ang “invisibility” at “teleportation”.

Kasama ng formulas, invisibility at teleportation na itinuro ni Al Bielek, tinapos niya ang space-time machine upang iligtas ang Easter Island. Nahanap nila at winasak ang estatwa ni Moai. At sa wakas, nagkausap sila.

Nagawa rin nila ng matagumpay ang operasyon na i-reverse ang ikot ng core ng Earth sa pamamagitan ng pagbaligtad sa magnetic north at south ng Geomagnetic Reversal. Panghuli, kailangan naman hanapin ang “hidden portals” sa Bermuda Triangle.

Kaya noong December 5, 1945, ang timeline na nahanap nila para mag-travel doon, sinundan nila ang U.S Navy TBM Avenger. Sinubukan nila ang Wiretapping para mapakinggan ang pinag-uusapan ng Control tower at Flight 19 instructor. Narinig nila na hindi gumagana ang compass ni Taylor at tila sinusundan siya ng mga galing sa outer space.

Nasira din ang GPS at compass nila hanggang sa marating nila ang Black Hole. Sinundan nila ang Bimini Road at nakarating sa Atlantis, ang modernong siyudad sa ilalim ng dagat. Nagtagpo si Werdnakram at Bellatrax Grey Alien. Ang lugar pala na iyon ang teritoryo ng mga alien. Sinamantala naman nila Ruach Hakkodesh at Moai ang pagkakataon para iligtas ang mga binihag na mga tao mula sa Easter Island.

Pinipilit kunin ni Bellatrax ang mga formulas kay Werdnakram ngunit dahil sa Geomagnetic Reversal na ginawa na ni Werdnakram, nasira ang mga fuel engines ng mga spaceship nilang mga aliens. Walang nagawa si Bellatrax.

Matagumpay na nailigtas at naibalik sa Easter Island ang mga tao pati si Moai.

Matapos ang lahat ng adventure ni Werdnakram, bumalik na rin siya sa kanyang laboratoryo.

Kung na-enjoy mo ang kwentong ito. Visit Werdnakram's Facebook page
https://www.facebook.com/iamwerdnakram/