Helping A Friend: My Book Review of "Ang Pakikipagsapalaran ni Werdnakram" (Book 1)

Una sa lahat, WELCOME BACK MHEA!!!

Binibuhay ko na naman ang blogsite na ito dahil sa pagkakataong ito na nakasulat na naman ako!

Ito ang unang pagkakataon na gumawa ako ng Book Review na hindi para sa requirement ko sa school. Naalala mo nung high school ka, sa English subject mo madalas book review ng isang napili mong novel ang project nyo, diba? Kapag college naman, kapag walang maipagawa ang professor, book review din. Hmmm, totoo naman eh!

Kapag requirement, hindi mo ma-eenjoy ang ginagawa mo. Kasi basta may maipasa ka na nga lang. kaya mo ginagawa e. Kaysa ma-incomplete ka sa subject. Aminin mo! Haha! 

Sa pagkakataong ito, nais kong ibahagi sa'yo ang ginawa kong ito. Ito ay bilang pagtulong ko na i-share sa'yo ang obra ni Kuya Mark Andrew Manao, PUPian din tulad ko. Marami pa kong book reviews na ibabahagi.

APNW 1 BOOK REVIEW:

Sa mga oras na wala kang magawa, bakit hindi ka magbasa ng mga librong may mgakwentong kukulit ng imahinasyon mo? Ang Werdnakram na ibabahagi ko sayo ay isa sa mga librong magpapaandar sa utak mo. Maalala mo yung mga terms at concepts sa Physics nung high school ka pa. Nandyan ang formula of speed, weight at gravity pati na rin ang teorya ni Albert Einstein. Nahalo din ang konsepto ng solar system pati na rin ng Biology. Naalala mo pa ba yan?  Ito yung mga science facts na nasa libro na. Ang pinaka-interesting dito ay ang pagta-time travel ni Werdnakram. Ang paggawa niya ng space-time machine na magdadala sa kanya sa maraming lugar.

Alam mo ba kung totoo ang time travelling? Hindi ko rin kasi alam eh. Pero sa pakikipagsapalaran ni Werdnakram, we will know how our imagination works. Sa paglalakbay niya, marami din siyang natuklasan. Ano ang mga nadiskubre niya sa pagta-time travel? Alam kong gusto mo din malaman! One day, ang mga science fiction will exist into reality na rin. How exciting!

Taong 2011 nang simulan ni Werdnakram ang kanyang adventure. Dalawa silang astronaut na nasa likod ng isang eksperimento. Si Werdnakram ang ipinadala sa outer space. Samantala, ang isang astronaut na kasama niya ay itago nalang natin sa pangalang Astroboy ang naiwan naman sa Earth.

Ito ang eksperimento para patunayan na maaaring pabagalin o pabilisin ang oras. Alam mo ba na ang Earth na ginagalawan mo ngayon ay four-dimensional space-time? Ang nakikita ng ating naked eye ay ang tatlong visible dimensions namely the length, width at depth. Pero ayon kay Albert Einstein, may kulang pa dito. Ito ang time o oras. Sa bawat paggalaw kasi natin apektado ang oras. Ngayon alam mo na, ipagpatuloy na natin ang kwento.

Sa ginawang experiment, nalamang magkaiba ang oras sa outer space at sa Earth. Ito ay dahil pagbalik ni Werdnakram sa Earth, buong akala niya ay 2014 palang. Akala niya tatlong taon lang siyang nawala. Pero anim na taon na pala ang nakalipas, 2017 na.

Nais sanang bumalik ni Werdnakram sa present time upang ibalita ang mga nalaman niya sa future. Nagkamali siya ng pindot sa kanyang ginawang space-time machine. Nakarating siya sa malaking farm na napag-alaman niyang may mga nakatanim na mga Genetically Modified (GM) crops. Nagulat siyang napapaligiran siya ng mga malalaking patatas. Maraming gulay pa ang pinag-eeksperimentuhan doon. Tinuturukan ng mga genes upang maging kakaibang gulay. Nalaman niyang delikado ang mga ito sa tao dahil nakamamatay ang kemikal. Hindi lang gulay, meron ding Genetically Modified Organisms (GMO). Ito naman yung mga hayop na kakaiba na ang itsura.

Hindi nga malayong mangyari ito sa future. Naiisip mo ba kung gaanong ang modern technology ay nakakaapekto din sa pag-ikli ng ating life span? Ang mga kinakain natin ay magiging chemicals na.

Dahil sa angking talino ni Werdnakram, bigla siyang nakakaisip ng mga science concepts. Ang gravity na invisible force sa solar system na humihila sa mga planeta papunta sa gitna. Ito ang dahilan kaya sila ay umiikot sa center of the solar system, ang pinakamassive sa lahat, ang Sun.

Nag-time travel naman si Werdnakram sa nakaraan, sa panahong isinusulat niya palang ang libro niyang “Reincarnation of a New Born Pride”. Ang nakikita ng past Werdnakram ay isang alien at UFO. Ito ang future Werdnakram at ang space-time machine. Hindi sila magkaintindihan. Gusto pa naman sanang sabihin na agad ni Werdnakram ang mga sikreto sa paggawa ng space-time machine. Pero hindi pwede sa pagta-time travel iyon, hindi mo mababago ang pangyayari sa nakaraan.

Pabalik na sana si Werdnakram sa present time dahil nabigo siyang kausapin ang sarili niya nang bigla siyang hilahin ng napakalakas na gravitational force. Dinala siya nito sa black hole sa Milky Way galaxy.    Pinilit niyang kumuha ng signal para makakonekta sa kanyang supercomputer sa Earth. Nalaman niyang kailangan niyang magpadala ng mga particles sa isang diyamanteng planetang tinatawag na “cosmic diamond” o “Lucy”. Sa tulong ng teleportation, matagumpay niyang nagawa ang operasyon at nagamit na pang-bara ang cosmic diamond sa Black Hole. Natuklasan din niya ang fountain of antimatter sa gitna ng galaxy. Maaari pala itong gamitin sa masama. Kaya naman, kumuha ng sample si Werdnakram. Pag-aaralan niya ito sa kanyang laboratoryo sa Earth.

Pabalik na sana siya nang pigilan ang kanyang pag-travel in time dahil sa fluctuations of energy bunga ng sumabog na Supernova. Humiga si Werdnakram sa kanyang anti-gravity bed habang naka-set sa autopilot mode ang space-time machine. Gamit ang artificial gravity, nakapaglakbay siya ulit.

Narating niya ang top secret facility ng Amerika, ang Shutter Island. Sinisimulan na pala ng mga Illuminati ang katakot-takot na proseso ng human brain scarring. Ang mga biktima ng eksperimentong ito ay ang mga bata. Ito ang kanilang Mind Control Experiment Research para ma-manipulate ang buong sangkatauhan.

Nag-time travel si Werdnakram sa future. Taong 2026, nasa high-tech library siya sa New York. Nalaman niya ang Fountain of Youth na sikreto sa hindi pagtanda, ang Telomerase na proseso ng paghati ng mga cells hanggang sa tumanda at mamatay ito. Hindi ito tulad ng cancer cells na hindi nahahati kundi dumadami pa sa katawan. Hindi ito mapigilan na nagiging sanhi ng pagkamatay ng isang tao.

Sa pag-aaral natin ng Biology, alam natin na ang mga cells ay may repair mechanism pero mabagal ito habang tumatanda ang tao. Inaalam ngayon ang genes na maaaring makapagpabilis dito. Ito ang sikreto sa Fountain of Youth na maaaring gamitin ng masasamang tao para maging imortal at makontrol ang sangkatauhan.

Nag-travel back in time si Werdnakram sa taong 1954. Sa Bilderberg Hotel, nagpupulong ang mga makapangyarihang tao sa buong mundo. Gamit ang “Invipossible”, ang invisibility application na inimbento niya, nakapasok siya sa loob ng function hall ng hotel. Narinig niyang pinag-uusapan nila ang kanilang pagpaplano sa pagkontrol sa mundo gamit ang kanilang pera.

Sinubukang bumalik ni Werdnakram sa taong 2013, natuklasan niya ang isang underground facility sa Virginia. Sa pag-travel naman niya sa future, nalaman niyang ito pala ang relocation site na maaaring pagdalhan sa maraming tao kapag dumating ang national disaster.

Sa huli, binalikan ni Werdnakram ang petsa ng kanyang kapanganakan. April 6, 1985 sa Bagong Silangan, Quezon City, nakatira sina Dante at Boding. Nakilala ng kanyang mga magulang si Werdnakram na nanggaling sa spaceship. Ang spaceship na ito ang nagdala sa kanila kay Aling Puring upang maipanganak ang batang lalaking si Mark Andrew.  Matalino ang batang ito.

Nagsimula ang pagkauhaw niya sa kaalaman noong pitong taong gulang siya nang marating niya ang napakalaking library. Naisip niyang mayroong isang may-akda ng mga librong nasa iba’t-ibang lenggwahe at mayroon ding misteryosong pagkakaayos ito. Taong 2009 naman nang dalhin ng isang UFO sa kanilang bahay ang time-capsule. Dahil bata pa siya noon, hindi pa niya naiintindihan ang note doon na “How to Build a Time Machine”. Kinuha niya ang kursong BS Physics sa Politeknikong Unibersidad ng Pilipinas. Doon niya nalaman ang ibig sabihin ng mga formulas sa holographic paper na nasa time-capsule.

At sa wakas, naimbento na ni Werdnakram ang kanyang Space-Time Machine. Nagtagumpay ang pitong taon niyang pananaliksik. Magsisimula naman ang kanyang mga marami pang paglalakbay… 

Kung na-enjoy mo ang kwentong ito. Visit Werdnakram's Facebook page https://www.facebook.com/iamwerdnakram/